病假要影相證明?!

作者: Master Loop

一早收到同事通知，話尋晚踢波抝柴今日返唔到公，通常呢D case，覆聲同事Ok 叫聲佢保重就算。

返到公司出個email 通知大家同事病咗返唔到工，老細一睇完叫咗我入房，問我有冇問同事攞張相，我話咩相。老細話同事拗柴要影張相證明佢係拗柴，唔係講就得，我話有醫生紙咪得，點可以叫同事影相，嚴重侵犯私隠喎，我就唔會問，你自己可以堅持做。

過咗一陣，老細走去我度show 張相比我睇，我望一望係隻包咗沙布嘅腳，原來條八婆真係問同事攞幅相，老細仲同我講：「點會侵犯私隱吖，同事一問就比，做management 唔可以咁畏首畏尾」。我心諗同事費事煩先影比你，你以為做management 真係可以為所欲為咩，低B。