老細話想星期六攪gathering，等D同事聯誼吓，佢問同事想攪咩活動，同事一致認為BBQ最好，心諗唔使同老細咁多交流。有同事因為要湊小朋友問老細可唔可以唔去，老細話『呢個係公司event，公司比錢，只有紅白二事先可以唔去!』嘩，呢個世界有無D咁mean的老細呀，星期六係私人時間，去就人情，唔去就道理，公司比錢大哂咩，不過大家睇在份工份上，唯有焗住去。
去完BBQ之後，大家諗住有排都唔使去下次，點知老細話意猶未盡，要攪多次，佢話今次攪Happy Hour，五點開始去到六點半，由於係喺office hour內，大家唔可以唔去。有同事又問老細可唔可以早D走，因為要趕住返屋企湊小朋友，老細話『呢個係公司event，公司比錢，只有紅白二事先可以唔去!』
其實team gathering的原意係好，仲記得以前舊公司，所有同事上下一心，去所有gathering都好樂意，點似得呢間公司咁，要迫人去之餘，仲要咁mean話有紅白二事先可以唔去，如果要用強權先叫得郁同事去玩，咁不如唔好攪，個個去度都係望住隻錶等夠鐘，咁又何必呢？
No comments:
Post a Comment